பார்த்தேன் உன்னை மறந்தேன் என்னை

ரொம்ப நாளைக்கு அப்பறம் மனசில இருக்கத உன்கிட்ட சொல்ல வரேன். சரி உன்னை பார்த்துட்டு போனேன் ஒரு பதிலையும் காணோமேனு பாக்குறியா? உன்னை பிடிச்சிருக்கு, எனக்கு இந்த பொண்ணைதான் கல்யாணம் பண்ணி வைக்கனும் அப்படினு எங்கப்பாகிட்ட சொல்ற அளவுக்கு இன்னும் வரல. பொறுமையா இருக்கேன். உனக்கு என் கம்பெனில வேலை வாங்குற அளவுக்கு நான் ரெடி. இத எங்கப்பாகிட்டயும் சொல்லியாச்சு. இப்படிதான் என் விருப்பம் என்னனு என்னால சொல்ல முடியும். எனக்கு உன்னை மறுபடியும் பாக்கனும். உன் வாயால என்னை பிடிச்சிருக்குனு ஒரு வார்த்தை சொல்லனும். அப்போதான் எனக்கு நிம்மதியா இருக்கும். எங்கப்பாவ பத்தி சொல்லனும்னா அவரு ஒரு அட்வன்ச்சர் ப்ரியர் ( என்னை மாதிரி). எதுவா இருந்தாலும் லாஸ்ட் மினிட் தான். உன்னை பாக்க வரும்போது கூட எனக்கு தெரியாது நான் எங்க வரேனு. அப்பா அம்மா புள்ளைனு ஒன்னும் இல்லை. ஆனா எப்படி போய் எங்க அப்பா, அம்மாகிட்ட பேசுறது உன்னை பத்தி…மறைமுகமா சொல்லியாச்சு… பொண்ணுக்கு பிடிச்சிருந்தா எனக்கு ஓகேனு. இதுக்கு மேல எப்படி ஓபனா பேசுறதுனு எனக்கு தெரியல. எனக்கு ஒன்னு மட்டும் தான் தெரியும், நான் உன்னை பாக்கனும் மறுபடியும்.

Add a comment பெப்ரவரி24, 2011
குறிச்சொற்கள்: அட்வென்ச்சர், அப்பா, விருப்பம்

முதல் பார்வை

எல்லோருக்கும் வாழ்க்கையில முதன் முதலா செய்ரது மறக்கவே மறக்காது. முதல் பார்வை, முதல் காதல், முதல் புன்னகை எல்லாமே. சொல்ல கொஞ்சம் கூச்சமாதான் இருக்கு. என்னதான் ஆம்பிளையா இருந்தாலும் வீட்டுல கல்யாண பேச்சு எடுக்கும்போது நான் என்ன எதிர்பார்க்கிறேனு சரியா சொல்லாம நீங்களே ஒரு நல்ல பொண்ணா பாருங்க அப்படினு சொல்றது தான் நம்ம வீட்டு கலாச்சாரம். பெத்தவங்க முன்னாடி இன்ட்ரஸ்ட் இல்லாதமாதிரி நடந்துகிட்டு ( நடிச்சிட்டு) அவங்க எப்படா அந்த பொண்ணு போட்டோ தருவாங்கனு எதிர்பாக்குற அந்த படபடப்பு எக்ஸாம் ரிசல்ட் பார்க்கும்போது கூட இருக்காது. பேசி முடிச்சுட்டாங்களா இல்லையானு தெரிஞ்சுக்க சும்மா அம்மாகிட்டே ஏதாச்சும் பேச்சு குடுத்து விசயத்த வாங்குறது. அம்மாவுக்கும் தெரியும் நம்ம புள்ள என்னிக்கும் இல்லாம நம்மகிட்டே இவ்ளோ நேரம் பேசுரானேனு. இருந்தாலும் அது ஒரு தனி சுகம். மொதல்ல பெத்தவங்களுக்கு பிடிச்சிருக்கா இல்லையானு தெரிஞ்சுக்க எல்லாருக்குமே ஆர்வம் இருக்கும். கன்ஃபார்ம் ஆனப்பறம் தான் கொஞ்சம் ரிலாக்ஸா இருக்கும்.

Add a comment நவம்பர்6, 2009
குறிச்சொற்கள்: எக்ஸாம், பொண்ணு, போட்டோ, ரிசல்ட்

காதல்

கண்டதும் காதல் என்பதில் எனக்கு உடன்பாடு இல்லை. என் காதலுக்கு கண்கள் உண்டு. அவை உன்னிடம் உள்ள நல்ல குணங்களை பார்க்கும். உன் அழகை மட்டும் அல்ல. அழகு என்பது நிலையானது அல்ல. என் காதல் நிலையானது. உனக்கு 60 வயது ஆனாலும் கூட என் காதல் அதிகமாகுமே தவிர குறையாது. என் காதல் நேர்மையானது. என் கண்கள் உன் விழிகளை மட்டுமே பார்க்கும். பெருமைக்காக சொல்லவில்லை. 25 வருட விரதத்திற்கு பிறகு என் கண்கள் பார்க்கும் முதல் விழிகள் உன் விழிகள். ஹூம்.. தெரியல… என்னை அறியாமலே கவிதை உன்னை நினைச்சாலே. சாரி.. இதும் பர்ப்பசா எழுதல. மொத்ததுல நான் என்ன சொல்ல வரேனா எல்லாரும் சொல்ரதுதான் நான் வித்தியாசமான ஆளு. என்னோட பார்வைகள், அனுகுமுறைகள் எல்லாமே. கோபம் நியாயமாக இருக்கும். பொருமையான ஆளுதான் ஆனா கொஞ்சம் கார சாரமான ஆளு. போக போக உனக்கு தெரியும். நான் சொல்லி தெரிய தேவை இருக்காது. எனக்கு என் மேல முழு நம்பிக்கை உண்டு. என் செலக்கசன் வீணா போகாது. என்னோட கணிப்பு தவறாது. பாக்கலாம்…

Add a comment நவம்பர்6, 2009
குறிச்சொற்கள்: அழகு, காதல், விழிகள்

மனதை விட்டு

என்னடா தமிழ் வாத்தியார் மாதிரி மொக்கை போடுரானேனு பாக்குறியா? கொஞ்சம் தத்துவம் பேசும்பொது அப்படி சொன்னாதான் நல்லா இருக்கும். எடுத்தவுடனே நான் எப்படி என்னானு பீட்டர் விட்டா நல்லா இருக்காது. இந்த ஊருக்கு நான் எப்படி இருந்தாலும் உன்கிட்ட நான் சராசரி மனுசன் தான். எனக்கும் உணர்வுகள், பாசம், காதல் எல்லாம் இருக்கு. உன்கிட்டே நிறையா பேசனும்னு ஆசை, ஆனா எப்படி ஆரம்பிக்கிறதுனு தெரியல. எனக்கு ஸ்கூல்ல இருந்து கேர்ல் ப்ரண்ட்ஸ் யாரும் கெடையாது. யார் கிட்டையும் போய் பேசனும்னு இதுவரைக்கும் தோணல. ஸோ கொஞ்சம் கடியா இருந்தா அட்ஜஸ்ட் பண்ணிக்க. டெக்னிக்கலா பேசினா மணிக்கணக்குல பேசிடலாம். பெர்சனலா பேசனும்னா எப்படி ஆரம்பிக்கிறதுனு தெரியல. யாரையும்  லவ் பண்ணனும்னு தோணல. பேட்சிலர் லைபை என்ஜாய் பண்றேன். ஆனா காதல் உணர்வுகள் கொஞ்சம் அதிகமாவே உண்டு.

Add a comment நவம்பர்4, 2009
குறிச்சொற்கள்: உணர்வுகள், காதல், பாசம்

உணர்வுகள்

முழுதாக கணினியில் இருப்பதால் மனிதம் மறத்துவிட்டது. மனித உறவில் விரிசல் ஏற்பட்டுவிட்டது. மனிதர்கள் இயந்திரங்களைப் போல முழுமையாகவும், உண்மையாகவும் இல்லாததால் வெறுப்பு ஏற்பட்டுவிட்டது. உன்னிடம் நான் கேட்பது ஒன்றைத்தான். உன்னை நான் இயந்திரமாக நினைக்கப்போவது இல்லை. உன்னிடம் உள்ள குறைகள் எனக்கு பெரிதல்ல. குறை இல்லாத மனிதன் இல்லை. என்னை நீ சரியாக புரிந்துகொள்ள உனக்கு மனப்பக்குவம் தேவை. உனக்கு இருக்கும் என நம்புகிறேன். நான் உன் பெற்றோர்களையோ என் பெற்றோர்களையோ வேறுபடுத்தி பார்ப்பது இல்லை. என் காதலும் சராசரி காதல் இல்லை. வருவதை எதிர்கொள்ளும் துணிவையும் ஆற்றலையும் உன்னிடம் எதிர்பார்க்கிறேன். வாழ்க்கை என்றும் நாம் நினைப்பதை போல அமைந்துவிடுவது இல்லை. எதிர்பாராத திருப்பங்கள், மாற்றங்கள் நிறைந்தது. இன்பமும் துன்பமும் சமச்சீராக இருந்தால்தான் வாழ்க்கை இனிக்கும். இன்பம் மட்டுமே இருந்துவிட்டால், பிரிவு என்பது மிகவும் வேதனையாக இருக்கும். துன்பம் மட்டுமே இருந்தால் வாழ்க்கை வெறுத்துவிடும். நம்முடைய வாழ்க்கை நிச்சயமாக இன்பமும் துன்பமும் நிறைந்த  ஒரு அட்வன்ச்சர் பயணமாக இருக்கும். பிரச்சனைகள் எனக்கு மிக பிடித்த விசயம். அது கற்று கொடுக்கும் பாடங்கள் யாராலும் கற்றுக்கொடுக்க இயலாது. வாழ்க்கை என்பதே ஒரு கல்விதான். நாமும் ஒவ்வொரு நாளும் ஒவ்வொரு சூழ்நிலையிலும் ஒவ்வொன்றைக் கற்றுக்கொள்கிறோம். வாழ்க்கையின் எந்த பகுதியிலும் உணர்ச்சிகளுக்கு அடிமை ஆகிவிடக்கூடாது.

Add a comment நவம்பர்4, 2009
குறிச்சொற்கள்: திருப்பங்கள், மனப்பக்குவம், வாழ்க்கை

முதல் வார்த்தை!

ஹலோ காதலியே,

நீ மனைவியாக இருந்தாலும் என் காதலி தான். என்னைப் பொருத்தவரையில் இந்த சமுதாயத்திற்கு தேவையான ஒரு அடையாளம் தான் மனைவி என்பது. எனக்கு என்றும் நீ காதலி தான். காதலி மட்டும் அல்ல தோழியும் நீ தான். உன்னை சமமாக பார்க்க வேண்டும் என்றால் தோழியாக இருப்பது நல்லது. வாழ்க்கை என்பது எனக்கு ஒரு சதுரங்க ஆட்டம். ஆடிக்கொண்டிருக்கிறேன். வெற்றி என்பதை விட தொடர் வெற்றி என்பதில்தான் மகிழ்ச்சி. நீயும் துணை இருப்பாய் என நம்புகிறேன். என்றாவது ஒரு நாள் உனக்கு என்னை சரியாக புரிந்துகொள்வதில் சிக்கல் ஏற்படலாம் . அதற்காக நான் எடுக்கும் ப்ரிகாசன் இந்த தளம். ஒரு நாள் நிச்சயம் இந்த தளத்திற்கு வருவாய் என்ற நம்பிக்கை எனக்கு உண்டு.

Add a comment நவம்பர்4, 2009
குறிச்சொற்கள்: காதலி, தோழி